Thomas Partey, miðjumaður Arsenal, meiddist í síðasta leik er liðið tapaði 3-0 gegn Crystal Palace í ensku úrvalsdeildinni.
Líkur eru á að Ganverjinn verði frá í nokkra leiki.
Arsenal er í harðri baráttu við Tottenham og Manchester United um sæti í Meistaradeild Evrópu á næstu leikíð. Liðið mátti því alls ekki við þessum meiðslum. Kieran Tierney, bakvörður Arsenal, meiddist einnig fyrir leikinn gegn Palace.
Tölfræði sem nú gengur um internetið er ekki til að gera stuðningsmenn Arsenal neitt bjartsýnni. Þar eru bornir saman leikir sem Partey hefur spilað og svo þar sem hann var fjarverandi.
Tölfræðin þegar Partey er með lítur mun betur út en liðið er til að mynda með helmingi hærra sigurhlutfall með hann innanborðs.
Tölfræðina má sjá hér fyrir neðan.
