Empoli tók á móti Juventus í ítölsku deildinni í dag. Leiknum lauk með 3-2 sigri Juventus í skemmtilegum leik.
Juventus var sterkara liðið í byrjun leiks og átti hættulegri færi. Mosie Kean braut ísinn á 32. mínútu fyrir Juventus. Heimamenn sóttu stíft eftir markið og uppskáru á 39. mínútu er Szymon Zurkowski jafnaði metin. Dusan Vlahovic kom gestunum aftur yfir í uppbótartíma fyrri hálfleiks og leiddi Juventus því 2-1 í hálfleik.
Dusan Vlahovic var aftur á skotskónum á 66. mínútu en Andrea La Mantia minnkaði muninn tíu mínútum síðar. Lengra komust heimamenn ekki og 2-3 sigur Juventus staðreynd.
Juventus er í 4. sæti deildarinnar með 50 stig en Empoli í því þrettánda með 31 stig.
Empoli 2 – 3 Juventus
0-1 Moise Kean (´32)
1-1 Szymon Zurkowski (´39)
1-2 Dusan Vlahovic (´45+2)
1-3 dusan Vlahovic (´66)
2-3 Andrea La Mantia (´76)
