James Milner, leikmaður Liverpool, var í viðtali hjá Tómasi Þór Þórðarssyni á dögunum þar sem hann ræddi meðal annars stöðuna hjá Liverpool og ástæðu þess að hann gekk til liðs við félagið á sínum tíma.

Hann segir eina gallann við að hafa unnið Englandsmeistaratitilinn á sínum tíma með félaginu vera þann að leikmenn gátu ekki fagnað titlinum almennilega með stuðningsmönnum. Á þeim tíma sem Liverpool varð Englandsmeistari voru miklar takmarkanir í gildi sökum kórónuveirufaraldursins.

James Milner er nú 36 ára gamall en árið 2015 skipti hann yfir til Liverpool frá Manchester City. Félagsskiptin vöktu athygli en Milner hafði notið mikillar velgengni með félaginu og meðal annars orðið Englandsmeistai með liðinu.

Í viðtalinu spurði Tómas Þór hann af hverju hann hafi ákveðið að skipta yfir til Liverpool á þessum tíma en þetta áður en að Jurgen Klopp var knattspyrnustjóri liðsins, Brendan Rodgers var við stjórnartaumana á Anfield og liðið hafði ekki verið eins sigursælt og á árum áður.

,,Brendan er auðvtiað góður knattspyrnustjóri og það hafði mikla þýðingu hvað hann sagði við mig en helsta hvatningin fólst í því sem þú varst að lýsa. Liðinu hafði ekki gengið jafn vel og áður. Það hafði mikið að segja þegar að ég fór til City sem hafði ekki unnið neitt lengi og okkur tókst að hefja nýtt skeið þar,“ sagði Milner í viðtali hjá Tómasi Þór hjá Símanum.

Hann segir það sama hafa verið upp á teningnum þegar að hann gekk til liðs við Liverpool. ,,Það var freistandi að koma hingað. Þetta er stórt félag og maður vissi að ef vel tækist og við næðum að vinna titilinn hvaða þýðingu það hefði fyrir stuðningsmennina. Okkur tókst að vinna hann, Meistaradeildina, Ofurbikarinn og Heimsmeistaratitil félagsliða. 

,,Mig langaði að vera með í því að ná þeim árangri og okkur tókst það. Það var sérstakt að hafa það að markmiði. Eini gallinn er sá að við gátum ekki fagnað deildarmeistaratitlinum almennilega með stuðningsmönnunum,“ sagði James Milner, leikmaður Liverpool í viðtali við Tómas Þór hjá Símanum

Brot úr viðtalinu má sjá hér að neðan:

Stuðningsmenn Liverpool á Íslandi vildu sumir hverjir vita hvers vegna James Milner valdi Liverpool árið 2015 þannig að @tomthordarson spurði bara manninn sjálfan. pic.twitter.com/oZet7EOnns

— Síminn (@siminn) January 21, 2022

Enski boltinn á 433 er í boði