Norwich vann mjög mikilvægan sigur á Watford í fallslag í ensku úrvalsdeildinni í kvöld. Leikið var á heimavelli síðarnefnda liðsins.
Watford stýrði leiknum að mestu í fyrri hálfleik án þess þó að skapa sér mörg færi. Staðan í hálfleik var markalaus.
Á 51. mínútu kom Joshua Sargent Norwich yfir með frábæru marki.
Hann var svo aftur á ferðinni á 74. mínútu þegar hann skoraði annað mark sitt með skalla.
Skömmu síðar nældi Emmanuel Dennis í sitt annað gula spjald og þar með rautt.
Manni fleiri tókst Norwich að skora eitt mark í viðbót. Þá gerði Juraj Kucka, leikmaður Watford, sjálfsmark. Lokatölur 0-3.
Norwich fer með sigrinum upp fyrir Watford í 17. sæti deildarinnar. Liðið er með 16 stig, 2 stigum meira en Watford en hefur þó leikið tveimur leikjum meira.
