Arnar Þór Viðarsson var svekktur eftir 5-1 tap gegn Suður-Kóreu í dag. Um var að ræða æfingaleik þar sem allir sterkustu leikmenn Íslands voru fjarverandi.
Á meðan var Suður-Kórea með flesta af sínum bestu mönnum og gæðamunurinn var sjáanlegur.
„Maður er aldrei glaður eftir tap, þetta var leikur á móti ógnarsterkum andstæðingi. Við töluðum um það við leikmennina að þeir voru með lið sem hefur spilað lengi saman, 85 prósent af þeirra sterkasta hóp er að spila. Það er mikil áskorun að spila á móti svona liðum, það er ástæða fyrir því að við viljum spila á móti svona liðum. Þó að þetta sé áskorun og mikil hlaup fyrir strákana, ég og þjálfarateymið fáum bara svör við ákveðnum spurningum við leikmönnum sem eru að stíga sín fyrstu skref. Blaðamenn hafa oft minnst á marga leikmenn sem hafa ekki verið með okkur, við þurfum að spila á móti mismunandi andstæðingum til að fá svör. Við fáum ákveðin svör, ég er ekki ánægður að tapa,“ sagði Arnar Þór eftir leikinn.
„Þegar þeir settu í fimmta gírinn og byrjuðu að spila þennan einnar snertingar bolta. Spila og hreyfa sig, þeir eru frábærir í því. Þeir eru með frábærar hreyfingar án boltans, þeir spila sig í gegnum vörnina hjá okkur í fyrsta og fjórða markinu. Þetta eru hlutir sem við vitum og vissum að þeir gætu gert, ég var ánægður með seinni hálfleikinn að við lokuðum aðeins betur á þeirra samspil. Við vorum betri sjálfir á boltanum, fjórða markið í seinni hálfleik er frábært mark hjá þeim.“
„Þegar við erum að spila á þessu tempói og við svona sterka andstæðinga, það er heldur ekki ætlast til þess að tíu leikmenn stígi upp og geri tilkall til þess að vera A-landsliðsmenn. Ég er mjög ánægður með ákveðna leikmenn, þetta er ekki bara inni á vellinum. Þar er mikilvægasta skrefið til að taka samt, það eru nokkrir leikmenn sem ég hef verið mjög ánægðir með án þess að nefna nöfn.“
Pressa íslenska liðsins gekk ekki vel upp og komst Suður-Kóreu oft í gegnum miðsvæðið.
„Við vorum með þrjá varnarsinnaða miðjumenn í hálfleik. Þeir eru að spila 3-4-3 og eru með fimm leikmenn hátt á vellinum í einni línu og svo sóknarsinnaða miðjumenn. Þegar gæðin eru þetta mikil hjá andstæðingum, þeir ná að leysa í gegnum miðju svæðið. Game planið var að ýta þeim út, þetta eru gæðin hjá andstæðingunum sem gera mikinn mun.“