fbpx
Föstudagur 17.september 2021
433Sport

Forseti Íslands vildi velja sér sætisfélaga á Laugardalsvelli

Hörður Snævar Jónsson
Sunnudaginn 5. september 2021 14:00

Ekki missa af Helstu tíðindum dagsins í pósthólfið þitt

Lesa nánar

Það var talsverð óreiða á Laugardalsvelli á fimmtudag þegar karlalandslið Íslands mætti Rúmeníu í undankeppni HM. Nokkrum dögum áður hafði Guðni Bergsson formaður KSÍ sagt af sér og stjórnin sömuleiðis.

Guðni og stjórnin stigu til hliðar í kjölfar ásakana um að sambandið hafi hylmt yfir meint kynferðisbrot landsliðsmanna í knattspyrnu.

Á völlinn var mættur forseti Íslands, Guðni Th Jóhannesson en hann er vanur að sitja með formanni sambandsins og fulltrúum gestaliðsins.

En formaðurinn var hættur og óvíst var hvaða sætisfélagi forseti Íslands fengi sér við hlið.

Guðni vildi vera viss um hvaða plön væru í gangi varðandi sætisfélaga og spurðist fyrir um það. Lét hann í ljós þann vilja sinn að sitja ekki við hlið stjórnarmanna KSÍ sem sóttu leikinn og eru enn starfandi þar til ný stjórn tekur við keflinu. Samkvæmt heimildum DV var stjórnarmönnum nokkuð brugðið.

Miðað við fyrra skipulag hefði Guðni átt að sitja við hlið Borghildar Sigurðardóttur, starfandi formanns, en hún og Gísli Gíslason stýra sambandinu þessa dagana. Gísli var þó fjarverandi á leiknum.

Í svari við fyrirspurn DV um málið segir Sif Gunnarsdóttir forsetaritari. „Varðandi spurningu þína um sætaskipan á landsleik Íslands og Rúmeníu þá er forseti Íslands vanur að sitja við hlið formanns Knattspyrnusambands Íslands og gesta sambandsins að utan. Í ljósi aðstæðna vildi forseti heyra hvaða hugmyndir væru uppi um sætaskipan að þessu sinni og hefði gjarnan viljað sitja við hlið Gísla Gíslasonar, starfandi formanns sambandsins. Þegar forseta varð kunnugt um að Gísli væri erlendis í þágu KSÍ athugaði hann hvort Lárus Blöndal, forseti ÍSÍ, hygðist sækja viðburðinn og gæti þá setið við hlið forseta. Sú var ekki raunin og lagði forseti þá til að hann hefði einungis börn sín sem sessunauta. Í næstu röð sat svo stjórnarfólk KSÍ og saman hvöttu þau öll landslið Íslands til dáða,“ segir Sif í skriflegu svari.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 18 klukkutímum

Þetta eru bestu lið í sögu ensku úrvalsdeildarinnar

Þetta eru bestu lið í sögu ensku úrvalsdeildarinnar
433Sport
Fyrir 19 klukkutímum

Dóra María spilar með einni sem a pabba sem er yngri en hún – „Upplifi mig oft sem mikið aðhlátursefni“

Dóra María spilar með einni sem a pabba sem er yngri en hún – „Upplifi mig oft sem mikið aðhlátursefni“
433Sport
Fyrir 22 klukkutímum

Heimir Hallgrímsson á RÚV í gær – Sagði frá lykilatriðinu í að ná árangri með Ísland

Heimir Hallgrímsson á RÚV í gær – Sagði frá lykilatriðinu í að ná árangri með Ísland
433Sport
Fyrir 22 klukkutímum

Ísland í frjálsu falli á lista FIFA undir stjórn Arnars

Ísland í frjálsu falli á lista FIFA undir stjórn Arnars
433Sport
Í gær

Aðdáendur brjálaðir yfir treyjunúmeri Falcao – ,,Mér verður óglatt“

Aðdáendur brjálaðir yfir treyjunúmeri Falcao – ,,Mér verður óglatt“
433Sport
Í gær

Rikki G hraunar yfir Val: ,,Man varla eftir annari eins brotlendingu“ – Gaupi telur útilokað að Heimir verði rekinn

Rikki G hraunar yfir Val: ,,Man varla eftir annari eins brotlendingu“ – Gaupi telur útilokað að Heimir verði rekinn
433Sport
Í gær

Sjáðu augnablikið þegar skot Ronaldo hafnaði í konunni

Sjáðu augnablikið þegar skot Ronaldo hafnaði í konunni
433Sport
Í gær

ÍBV staðfestir að Helgi hætti – Hver tekur við ?

ÍBV staðfestir að Helgi hætti – Hver tekur við ?