fbpx
Miðvikudagur 27.október 2021
433Sport

Magnað ferðalag 18 ára knattspyrnumanns: Frá flóttamannabúðum til Real Madrid – Tók mikilvæga ákvörðun eftir að kveikt var í húsi fjölskyldunnar

Helgi Sigurðsson
Föstudaginn 24. september 2021 21:30

Eduardo Camavinga (til hægri). Mynd/Instagram

Ekki missa af Helstu tíðindum dagsins í pósthólfið þitt

Lesa nánar

Hinn 18 ára gamli Eduardo Camavinga hefur farið vel af stað með Real Madrid. Hann kom til félagsins frá Rennes í Frakklandi í lok sumars. Miðjumanninum unga hefur tekist að skora eitt mark og leggja upp annað fyrir nýja félag sitt í fyrstu fjórum leikjum sínum með því. Leið Camavinga til eins allra stærsta knattspyrnufélags heims var þó allt annað en hefðbundin.

Camavinga fæddist árið 2002 í flóttamannabúðum í Angóla. Foreldrar hans eru frá Kongó. Höfðu þau flúið Kinshasa, höfuðborg landsins.

Þegar Camavinga var tveggja ára gamall fluttist fjölskyldan til Frakklands. Ellefu ára gamall komst Camavinga að í yngri flokka starfi Rennes. Aðeins tveimur árum eftir það var kveikt í húsi fjölskyldu hans. Varð mikið tjón af. Talið er að atvikið hafi orðið til þess að Camavinga varð staðráðinn í því að ná langt á knattspyrnuvellinum.

Leikmaðurinn fékk sinn fyrsta atvinnumannasamning hjá Rennes árið 2018, þá 16 ára gamall. Fimm mánuðum síðar lék hann sinn fyrsta leik fyrir aðalliðið, varð hann sá yngsti í sögu félagsins til að gera það.

Snemma á tímabilinu 2019/20 vakti Camavinga gríðarlega athygli í leik gegn Paris Saint-Germain. Hann var valinn maður leiksins og fékk 8 í einkunn hjá franska blaðinu L’Equipe. Þess skal getið að sú einkunn þykir ansi góð, komandi frá því afar gagnrýna blaði.

Mynd/Getty

Nokkur stórlið hafa sýnt Camavinga áhuga frá því hann skaust fram á sjónarsviðið. Auk Real Madrid þá voru PSG og Manchester United reglulega nefnd til sögunnar.

Leikmaðurinn var sjálfur alltaf spenntastur fyrir því að fara til Real. Félagið hafði fylgst lengi með honum. Eins og margir vita er Real Madrid í fjárhagsvandræðum. Eftir að hafa selt Martin Ödegaard til Arsenal og Raphael Varane til Manchester United, auk þess að losna við Sergio Ramos af launaskrá, gat félagið þó klófest Camavinga. Kaupverðið var um 40 milljónir evra.

Sem fyrr segir byrjar Camavinga vel hjá Real Madrid. Hann er nú þegar orðinn mjög vinsæll hjá stuðningsmönnum félagsins.
Mynd/Getty
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 17 klukkutímum

Horfðu á sjónvarpsþátt 433: Ævintýri í Breiðholti – Birgir ræðir tímamótasamning

Horfðu á sjónvarpsþátt 433: Ævintýri í Breiðholti – Birgir ræðir tímamótasamning
433Sport
Fyrir 17 klukkutímum

„Ronaldo hefur aldrei átt jafn mikið skilið að vinna gullboltann og í ár“

„Ronaldo hefur aldrei átt jafn mikið skilið að vinna gullboltann og í ár“
433Sport
Fyrir 21 klukkutímum

Leiknismenn horfa til Hannesar – ,,Væri mjög heimskulegt ef við myndum ekki tékka á besta markmanni landsins“

Leiknismenn horfa til Hannesar – ,,Væri mjög heimskulegt ef við myndum ekki tékka á besta markmanni landsins“
433Sport
Fyrir 21 klukkutímum

Aron Jó fer til Vals – Hafnaði fjölda liða

Aron Jó fer til Vals – Hafnaði fjölda liða