Wilfried Zaha, leikmaður Crystal Palace, segir að ástríða sín og þrá til að ná árangri sé þess valdandi að hann væli á vellinum.

Zaha hefur verið gagnrýndur fyrir að væla mikið á vellinum og skamma liðsfélaga sína. Zaha segir að það sé einungis vegna þess að hann þoli ekki að tapa.

„Fólk sér mig væla á vellinum en það er bara vegna þess að ég er ástríðufullur – ég þoli ekki að tapa og þess vegna verð ég pirraður,“ sagði Zaha við talkSPORT.

„Fyrir leiki segi ég við liðsfélaga mína að óttast ekki merkin framan á treyjunum og nöfn leikmanna í hinum liðunum, þau skipta ekki máli. Það skiptir engu máli á móti hverjum við keppum.“

Enski boltinn á 433 er í boði