Newcastle tók á móti Leeds í 5. umferð ensku úrvalsdeildarinnar í kvöld. Bæði lið voru án sigurs á tímabilinu í upphafi leiks.
Raphina kom Leeds yfir á 13. mínútu þegar að fyrirgjöf hans frá hægri fór alla leið í mark Newcastle. Allan Saint-Maximin jafnaði metin fyrir Newcastle undir lok fyrri hálfleiks með góðu skoti eftir dans inn á teig Leeds manna.
Leeds var betri aðilinn í seinni hálfleik en gekk illa að nýta færi sín í leiknum. Saint Maximin hélt áfram að ógna í liði Newcastle en hvorugu liðinu tókst að bæta við marki og lokatölur 1-1. Liðin verða að bíða lengur eftir fyrsta sigrinum á tímabilinu en Leeds er með 3 stig í 16. sæti og Newcastle er í 18. sæti með 2 stig.
Newcastle 1 – 1 Leeds
0-1 Raphina (’13)
1-1 Saint-Maximin (’44)