Valur tapaði gríðarlega óvænt, 2-1, gegn Vestra í 8-liða úrslitum Mjólkurbikars karla fyrr í dag. Framtíð Heimis Guðjónssonar, þjálfara liðsins, hefur verið í umræðunni undanfarið vegna vonbrigða á tímabilinu í Pepsi Max-deildinni.
Valur, sem er ríkjandi Íslandsmeistari, er í fimmta sæti deildarinnar þegar tvær umferðir eru eftir. Ljóst er að úrslitin fyrir vestan í dag munu aðeins gefa orðrómum um að Heimir Guðjónsson gæti verið á förum byr undir báða vængi.
,,Man varla eftir annari eins brotlendingu hjá ríkjandi meistaraliði á nokkrum vikum. Verður ansi athyglisvert að fylgjast með Hlíðarenda eftir tímabil,“ skrifaði Ríharð Óskar Guðnason, betur þekktur sem útvarpsmaðurinn og íþróttalýsandinn Rikki G, á Twitter eftir leik. Hann er stuðningsmaður Vals.
Guðjón Guðmundsson, Gaupi, svaraði honum og sagði engar líkur á því að Heimir hætti. ,,Heimir er með 4 ára samning og verður áfram. Ekki fleira. Eina,“ skrifaði Gaupi. Hann styður Val einnig.
Rikki benti honum þó á að hann hafi ekki minnst á þjálfaramál félagsins.
Heimir með 4 ára samning og verður áfram. Ekki fleira.Eina.
— Guðjón Guðmundsson (@gaupinn) September 15, 2021
Veit.Menn safna liði. Vertu viss.Eina.
— Guðjón Guðmundsson (@gaupinn) September 15, 2021
Heimir tók við Val fyrir síðustu leiktíð. Hann gerði þá að Íslandsmeisturum á sinni fyrstu leiktíð.