Leikmenn Manchester United þorðu ekki að fá sér kökur eða nammi eftir kvöldverð á föstudag. Ástæðan er sú að Cristiano Ronaldo var mættur á svæðið.

Lee Grant markvörður félagsins segir frá þessu í viðtali en venjan hefur verið að leikmenn fá sér góðgæti saman kvöldi fyrir leik.

Ronaldo var mættur til að spila sinn fyrsta leik og leit ekki við sætindum, leikmenn félagsins þorðu því ekki að skella sér í sætindin.

„Ég get sagt ykkur eina sögu um þau áhrif sem hann hefur. Venjan er að þegar kvöldverður er á enda þá menn að stelast í sætindin,“ sagði Grant.

„Enginn leikmaður þorði að stelast í þetta núna, einn þeirra spurði mig hvað Ronaldo væri að fá sér. Hann var bara með hollustu á sínum disk.“

„Það var mjög fyndið að sjá að ekki einn einasti leikmaður þorði að fara í sætindin.“

Ronaldo lék svo sinn fyrsta leik á laugardag í endurkomu sinni og skoraði tvö mörk í 4-1 sigri liðsins á Newcastle.

Enski boltinn á 433 er í boði