21 umferð Lengjudeildarinnar verður gerð upp á Hringbraut í kvöld í markaþætti deildarinnar. Hefst þátturinn klukkan 20:00 og er frumsýndur á 433.is á sama tíma.
Fram kemur í þætti kvöldsins að Þór Akureyri hafi áhuga á því ráða Magnús Már Einarsson þjálfara Aftureldingar til starfa.
Magnús er að klára sitt annað tímabil með Aftureldingu og hefur náð góðum árangri með ungt lið. Magnús er 32 ára gamall en áður lék hann með Aftureldingu.
Magnús hafði til fjölda ára verið ritstjóri Fótbolta.net en hann sagði starfi sínu lausu í upphafi sumars og einbeitir sér nú alfarið að þjálfun.
Lengjumörkin verða alvöru í kvöld. Þórsarar leita að þjálfara og hafa áhuga á @maggimar hjá Aftureldingu. @hrafnkellfreyr á sínum stað í eitruðum gír. 20:00 á Hringbraut pic.twitter.com/sXNC5ToTFa
— Hörður S Jónsson (@hoddi23) September 13, 2021
Orri Freyr Hjaltalín var rekinn úr starfi á dögunum og leita Þórsarar að eftirmanni hans. Srdjan Tufegdzic aðstoðarþjálfari Vals og fyrrum þjálfari KA hefur einnig verið nefndur til sögunnar.