Timo Werner opnaði sig í viðtali á dögunum um erfiða byrjun hjá Chelsea og sagði að gagnrýnin hafi haft áhrif á hann.

Werner gekk til liðs við Chelsea síðasta sumar en hann var keyptur frá RB Leipzig fyrir 53 milljónir punda. Hann klúðraði nokkrum dauðafærum og var töluvert gagnrýndur og sagði Werner að það hafi haft mikil áhrif á hann.

„Andlega hliðin er gríðarlega mikilvæg í fótbolta, og nauðsynlegt að hlusta ekki á utanaðkomandi gagnrýni,“ sagði Werner við vefsíðu Chelsea.

„Fjölmiðlar verða stærri og stærri með hverjum deginum. Þegar þú spilar vel ertu hetja en það er allt önnur saga þegar þú spilar illa.“

„Maður þarf að ná að einbeita sér að fótboltanum og hætta að hugsa um hitt. En það getur verið erfitt. Það er einnig mikilvægt að hafa gott fólk í kringum þig sem hjálpar þér og gefur þér stuðning þegar þú þarft á honum að halda.“

Enski boltinn á 433 er í boði