Knattspyrnustjarnan Cristiano Ronaldo setti mynd af sér á Instagram í dag þar sem hann stillti sér upp með Mercedes G-Class Brabus SUV bílnum sínum. Með myndinni skrifaði hann ,,eigið góða viku.“
Bílinn fékk Ronaldo að gjöf frá Georgina Rodriguez, kærustu sinni, á afmæli sínu í fyrra.
Hann kostaði Georginu tæpar 90 milljónir íslenskra króna. Myndina þar sem Ronaldo stillti sér upp með bílnum má sjá neðst í fréttinni.
Portúgalinn undirbýr sig nú að krafti fyrir komandi leiktíð með Juventus í Serie A. Liðið mun reyna að endurheimta Ítalíumeistaratitilinn sem það missti til Inter síðasta vor.