Jamie Carragher gagnrýndi ákvörðun Harry Kane um að sleppa því að mæta á æfingar hjá Tottenham á undirbúningstímabilinu til þess að reyna að knýja fram sölu. Carragher telur að þetta muni eyðileggja nafn hans og samband við stuðningsmenn Tottenham.
Það er nokkuð ljóst að Harry Kane vill komast frá Tottenham og hefur hann ekki mætt á æfingu hjá Tottenham eftir sumarfrí. Kane telur að hann hafi verið með samkomulag við stjórnarmenn félagsins um að fá að yfirgefa félagið í sumar til þess að vinna titla.
Rio Ferdinand var ánægður með þetta útspil enska framherjans en Carragher fannst þetta illa gert og telur að þetta skaði orðspor hans.
„Við vitum öll að hann vill fara og skiljum vel afhverju. En Harry ætti ekki að eyðileggja nafn sitt eða samband við stuðningsmenn sem dýrka hann til þess að komast í burtu. Tottenham verður alltaf hans klúbbur.“
I disagree, it is wrong not to turn up for training. We all know he wants to go & can totally understand why. But Harry should not ruin his name or relationship with the supporters who idolise him just to get the move. Spurs will always be HIS club. #Kane https://t.co/cSVZZXKMgw
— Jamie Carragher (@Carra23) August 2, 2021