Tveir leikir fóru fram í 15. umferð Pepsi Max-deildar kvenna í kvöld.
Selfoss 6-2 ÍBV
Selfoss vann stórsigur á ÍBV á heimavelli sínum.
Heimastúlkur voru 3-0 yfir í hálfleik eftir mörk frá Kristrúnu Rut Antonsdóttur, Brenna Lovera og Þóru Jónsdóttur.
Caity Heap gerði fjórða mark Selfyssinga eftir klukkutíma leik. Stuttu síðar minnkaði Þóra Björg Stefánsdóttir muninn fyrir Eyjakonur með marki af vítapunktinum.
Viktorija Zaicikova lagaði stöðuna enn frekar fyrir gestina stuttu síðar. 4-2.
Magdalena Anna Reimus gerði hins vegar tvö mörk fyrir heimakonur á síðustu tíu mínútum leiksins. Lokatölur 6-2.
Selfoss er í fjórða sæti deildarinnar með 25 stig eftir sextán leiki.
ÍBV er í sjöunda sæti með 16 stig. Liðið hefur leikið leik minna en Selfoss.
Þróttur Reykjavík 1-0 Þór/KA
Þróttur vann sigur á Þór/KA. Leikið var í Laugardalnum.
Dani Rhodes gerði eina mark leiksins þegar um stundarfjórðungur lifði leiks.
Þróttur er í þriðja sæti með 25 stig, 6 stigum á eftir Breiðabliki, eftir 15 leiki.
Þór/KA er í sjötta sæti með 16 stig, 6 stigum fyrir ofan fallstæti. Fylkir, sem er þar eins og er, á þó tvo leiki til góða á Akureyringa.