Sparkspekingurinn Hjörvar Hafliðason hefur síðustu daga verið að hnýta í Rúnar Kristinsson þjálfara KR og framkomu hans á hliðarlínunni á vellinum í sumar. Allt sauð upp úr í Kórnum á mánudag þegar lærisveinar Rúnars mættu HK í efstu deild karla.

„Verðum samt líka að geta hrósað fyrir alvöru shithousery. Þetta er beint úr Simeone skólanum. Reyndar á móti HK,“ skrifaði Hjörvar á mánudag eftir leikinn.

Þar sést Rúnar kasta bolta aftur inn á völlinn til þess væntanlega að hægja á leiknum, sköpuðust nokkrar umræður um atvikið sem er hér að neðan.

Verðum samt líka að geta hrósað fyrir alvöru shithousery. Þetta er beint úr Simeone skólanum. Reyndar á móti HK. pic.twitter.com/aYeJasxesQ

— Hjörvar Hafliðason (@hjorvarhaflida) August 17, 2021

Það var svo í gær sem Hjörvar fór að kafa ofan í hegðun Rúnars í sumar og fann nokkur atvik frá því fyrr í sumar. „Aðrir þjálfarar hafa hins vegar kvartað yfir þessari framkomu Rúnars. Hann verður að hætta þessu. Þetta er svo pínlegt,“ skrifar Hjörvar.

Hann fann atvik úr leik gegn KA þar sem Rúnar kemur boltanum aftur inn á völlinn til þess að reyna að hægja á leiknum. Einnig kom upp atvik gegn Blikum á Kópavogsvelli.

Shithousery @ The north í boði Lenovo pic.twitter.com/sWhDn2USsq

— Hjörvar Hafliðason (@hjorvarhaflida) August 18, 2021

Hjörvar fann fleiri atvik en eitt af þeim kom upp í leik gegn Víkingi. „Þetta er samt alltaf best. Markvarslan er svo góð, mögulega einhver handboltagrunnur. Double shithousery i raun,“ skrifar Hjörvar um atvik í Víkinni.

Þetta er samt alltaf best. Markvarslan er svo góð, mögulega einhver handboltagrunnur. Double shithousery i raun. pic.twitter.com/lIEhKFGilD

— Hjörvar Hafliðason (@hjorvarhaflida) August 18, 2021

Hjörvar bendir svo á að samkvæmt knattspyrnulögunum þá eigi að reka Rúnar upp í stúku fyrir svona atvik. „Ég átta mig alveg á því hversu fyndið þetta er en þetta er brottrekstur samkvæmt knattspyrnureglunum. Eins skýrt og það verður KSÍ
Kærleikskveðja HH,“ skrifar Hjörvar og vitnar í lögin