Portúgalski markvörðurinn Rui Patricio er á leið til Roma frá Wolves. Jose Sa mun taka hans stöðu í marki Úlfanna. Hann kemur frá Olympiacos. Fabrizio Romano greinir frá þessu.
Hinn 33 ára gamli Patricio hefur verið hjá Wolves síðan 2018. Hann hjálpaði liðinu að komast upp úr ensku B-deildinni á sinni fyrstu leiktíð.
Þá á Patricio hátt í hundrað landsleiki fyrir Portúgal. Hann stóð til að mynda í rammanum á Evrópumótinu þar sem Portúgal féll úr leik í 16-liða úrslitum.
Hjá Roma mun hann hitta samlanda sinn, Jose Mourinho. Hann tók nýlega við sem stjóri liðsins. Kaupverðið sem Roma greiðir fyrir Patricio er um 10 milljónir evra. Þrjár milljónir geta svo bæst við síðar.
Sa er 28 ára gamall Portúgali sem hefur verið hjá Olympiacos síðan 2018.
