Harry Kane segir að Nuno Espirito Santo, nýr stjóri Tottenham, sé frábær stjóri en hann eigi enn eftir að taka samtalið við hann.
Fréttir bárust um það undir lok tímabilsins að Harry Kane vildi yfirgefa Tottenham og hafa mörg félög sýnt kappanum áhuga.
Harry Kane er nú með enska landsliðinu á Evrópumótinu í knattspyrnu en liðið er komið í undanúrslit eins og flestir
vita. Kane hefur skorað þrjú mörk á mótinu fyrir England.
„Alltaf þegar það kemur nýr stjóri inn þá er spenna í kringum klúbbinn. Augljóslega hef ég ekki verið á æfingasvæðinu og ekki haft nein samskipti við hann,“ sagði Kane við talkSPORT.
„Ég er með enska landsliðinu núna og allur fókus er á þessu verkefni. Vonandi eigum við tæpa viku eftir hér.“
„Hann er frábær stjóri og vann gott starf hjá Wolves og lét þá spila skemmtilega. Við verðum í sambandi eftir mótið,“ sagði Harry Kane við talkSPORT.
