Kieran Trippier er tilbúinn til þess að bíða þar til í lok félagaskiptagluggans til þess að fá skiptin sín til Manchester United í gegn. Telegraph segir frá þessu.
Rauðu djöflarnir hafa mikinn áhuga á þessum bakverði Atletico Madrid. Félagið þarf þó að losa sig við einhverja leikmenn áður en þeir fá nýja inn. Man Utd hefur þegar eytt um 120 milljónum punda í þá Jadon Sancho og Raphael Varane.
Trippier er þrítugur. Hann hefur verið hjá Atletico frá árinu 2019. Hann varð til að mynda Spánarmeistari með liðinu síðasta vor. Þá er Trippier einnig fastamaður í enska landsliðinu.
Atletico vill um 30 milljónir punda fyrir bakvörðinn eins og er. Man Utd er ekki tilbúið til þess að borga svo háa upphæð fyrir hann.
Að bíða þar til í lok félagaskiptagluggans gæti veitt Man Utd og Trippier aukna möguleika á að fá skiptin í gegn fyrir lægri fjárhæð.
Enski boltinn á 433 er í boði 
