Bæði Liverpool og Tottenham hafa áhuga á Dusan Vlahovic, framherja Fiorentina.
Þessi 21 árs gamli Serbi vakti athygli á dögunum er hann skoraði sjö mörk í einum hálfleik í æfingaleik með Fiorentina.
Þá gerði Vlahovic 21 mark í 37 leikjum í ítölsku Serie A á síðustu leiktíð.
Leikmaðurinn á enn tvö ár eftir af samningi sínum í Flórens. Það gæti því kostað Liverpool eða Tottenham dágóða upphæð að fá hann til liðs við sig.
Þá sagði hinn virti blaðamaður, Fabrizio Romano, að Fiorentina íhugaði að framlengja samning leikmannsins, með það í huga að selja hann fyrir hærri fjárhæðir þegar þar að kemur.