Adam Ægir Pálsson kveðst vera sáttur hjá Víkingi Reykjavík. Hann hefur verið orðaður í burtu frá félaginu undanfarið.
Adam hefur aðeins komið við sögu í fjórum leikjum með Víkingum í Pepsi Max-deildinni á þessari leiktíð. Umræðan hefur því verið á þann veg að hann gæti leitað annað til að fá meiri spiltíma.
FH og Keflavík hafa verið nefnd til sögunnar sem hugsanlegir áfangastaðir. Adam kom frá síðarnefnda félaginu til Víkinga á síðustu leiktíð.
Adam vildi lítið tjá sig um orðróminn þegar undirritaður heyrði í honum í dag. Hann sagðist þó vera sáttur í Víkinni.
,,Ég er mjög sáttur hjá Víking. Okkur gengur vel þannig vonandi styttist í tækifærið. Annars líður mér bara mjög vel,“ sagði Adam við 433.is