Miðjumaðurinn Jesse Lingard er mættur aftur til Manchesterborgar eftir að hafa staðið sig frábærlega á láni hjá West Ham. Hann mætti þangað í janúar og náði að skora níu mörk í 16 leikjum.
Lingard hafði átt erfitt uppdráttar hjá Manchester United og var ekki tíður gestur inni á vellinum. Það var þó ekki að ástæðulausu að hann náði að standa sig svona vel hjá West Ham en hann vann mikið fyrir þessum árangri.
Hann vann mikið í hugarfari sínu en hann hafði lent í nokkrum persónulegum áföllum áður en hann fór á lán. Hann var mikið með þjálfaranum Alexandros Alexiadis sem aðstoðaði hann við að halda hausnum í góðu lagi.
View this post on Instagram
Hann skrifaði hvatningarorð á töflu sem hann leit á þegar hlutirnir gengu illa. Knattspyrnumenn geta svo sannarlega litið upp til hans þar sem það er ekki auðvelt að ná að rísa upp úr öskunni líkt og Lingard gerði.