Memphis Depay segir að hann sé kominn til Barcelona til að vinna titla. Þessi 27 ára gamli miðjumaður skrifaði undir tveggja ára samning við félagið fyrr í sumar, en samkvæmt fjölskyldu hans hefur það lengi verið draumur hans að spila fyrir Börsunga.
„Ég elska að sækja, skora mörk og gefa stoðsendingar, vera skapandi, svo ég held að leikstíll Barcelona henti mér fullkomlega,“ sagði hann í viðtali á síðu félagsins.
Hann hrósaði einnig þjálfaranum Ronald Koeman, en þeir þekkjast úr landsliði Hollendinga frá því að Koeman var þjálfari. „Ég held ég hafi tekið stóru skrefin með honum. Hann veitti mér sjálfstraust og studdi við bakið á mér þegar ég var meiddur. Ég er ánægður að hann sé hérna og er tilbúinn að berjast fyrir hann,“ sagði Memphis.
Viðtalið má sjá hér að neðan.
❝I expect to win a lot of trophies — that's why I've come to this beautiful club.❞
— @Memphis 😍 pic.twitter.com/USn7bbOpGe
— FC Barcelona (@FCBarcelona) July 20, 2021