Trent Alexander-Arnold, hægri bakvörður Liverpool, segist klár í slaginn eftir að jafnað sig á meiðslum.
Leikmaðurinn meiddist á læri í æfingarleik Englands og Austurríkis og missti þar af leiðandi af EM 2020. Hann hefur síðan byrjað að æfa að fullu og gæti tekið þátt í 30 mínútna æfingarleikjum gegn Wacker Innsbruck og Stuttgart á fimmtudaginn.
„Ég er fullkomlega laus við allan sársauka. Ég hef verið í endurhæfingu yfir sumartímann sem var gott fyrir mig.“ sagði Alexander-Arnold í viðtali á vefsíðu Liverpool.
„Mér líður vel. Ég er hraustur og byrjaður að æfa að fullu. Ég er sáttur. Ég hef æft nokkuð með strákunum og er klár í slaginn. En þjálfarinn verður að taka ákvörðunina, þjálfarateymið og augljóslega læknateymið verða að ræða sín á milli og sjá til hvort það sé áhættunnar virði. Ef ekki er annar leikur á föstudaginn svo ef til vill er hægt að koma mér hægt inn í liðið, nokkrar mínútur hér og þar, hver veit? Allavegana er ég klár í slaginn.“
Virgil van Dijk, Joe Gomez og Joel Matip er eru einnig allir nálægt því að koma aftur inn í liðið eftir löng meiðsli.
Alexander-Arnold er sérlega ánægður að sjá að Van Dijk koma aftur áður en leiktíðin hefst gegn Norwich þann 14. ágúst.
„Hann munar svo miklu fyrir okkur,“ sagði Alexander-Arnold. „Frábær náungi, frábær leikmaður. Hann hefur mikil áhrif á okkur, hann veit það sjálfur og veit hlutverkið sem hann spilar fyrir okkur. Hann er leiðtogi og einn af fyrirliðunum. Hann er partur af liðinu og allir eru mjög ánægðir að sjá hann aftur á æfingum.“