Framherjinn Antoine Griezmann gæti farið frá Barcelona til Chelsea á láni í sumar. Nokkrir enskir miðlar fjölluðu um þetta í gær.
Chelsea hefur verið orðað við Erling Braut Haaland. Hann myndi þó kosta svakalegar fjárhæðir, allt upp í 150 milljónir punda.
Að fá hinn þrítuga Griezmann lánaðan myndi reynast mun ódýrari kostur.
Frakkinn hefur verið orðaður í burtu frá Spáni. Liverpool og Manchester United hafa einnig verið nefnd til sögunnar sem hugsanlegir áfangastaðir.
Griezmann hefur verið hjá Barcelona frá árinu 2019. Hann kom þangað frá Atletico Madrid.
Hann hefur skorað 22 mörk í 71 leik fyrir Katalóníustórveldið.