Ian Jeffs er tekinn við sem þjálfari ÍBV í Pepsi Max-deild kvenna. Hann mun stýra liðinu út tímabilið. Birkir Hlynsson mun aðstoða hann. Félagið staðfesti þetta fyrir stuttu.
Ian hefur verið aðstoðarmaður Helga Sigurðssonar hjá karlaliði ÍBV undanfarið. Hann mun sinna því starfi áfram.
Andri Ólafsson hætti með liðið á dögunum og tekur Ian við af honum. Birkir starfaði einnig með Andra. Upphaflega stóð til að hann myndi einnig hætta. Nú er hins vegar ljóst að hann mun starfa áfram með liðið.
,,Það er mikill fengur fyrir félagið að hafa mann með stórt ÍBV-hjarta líkt og Ian og þökkum við knattspyrnuráði karla, Helga Sig og Ian fyrir gott samstarf að lausn málsins,“ er á meðal þess sem stendur í yfirlýsingu ÍBV.
Ian og Birkir stýra liði ÍBV strax í næsta leik.
