Svíinn Jonas Erik Altberg, betur þekktur sem sögnvarinn og plötusnúðurinn Basshunter, er alls ekki spenntur fyrir því að Tottenham sé að ráða Paulo Fonesca sem knattspyrnustjóra. Basshunter er harður stuðningsmaður félagsins.

Fonesca, sem hætti þjálfun Roma á dögunum, er á leið til Tottenham þar sem hann mun skrifa undir þriggja ára samning. Þetta kom fram í kvöld.

Tottenham hefur verið í stjóraleit undanfarið. Félagið var lengi vel orðað við Antonio Conte en það slitnaði upp úr viðræðum við hann.

Basshunter vildi greinilega fá inn stærra nafn og setti inn færstu á Twitter þar sem hann lét óánægju sína í ljós.

,,Komið frekar með Ryan Mason aftur frekar enn þennan náunga,“ skrifaði Svíinn.

Mason var bráðabirgðastjóri Tottenham síðustu vikurnar á nýafstaðinni leiktíð eftir að Jose Mourinho hafði verið rekinn.

Bring back Ryan mason over this guy 😳😳😳

— BassHunter (@basshunt) June 9, 2021