Valur vann öruggan sigur á Keflavík á heimavelli í 8. umferð Pepsi Max-deildar kvenna í kvöld.
Elín Metta Jensen kom heimakonum yfir eftir 20 mínútna leik. Hún tvöfaldaði svo forystu þeirra um stundarfjórðung síðar. Staðan í hálfleik var 2-0.
Það voru um tíu mínútur búnar af seinni hálfleik þegar Elín Metta var búin að fullkomna þrennu sína. 3-0.
Sólveig Jóhannesdóttir Larsen átti svo eftir að bæta einu marki við fyrir Val á 83. mínútu. Sannfærandi sigur Vals staðreynd. Lokatölur 4-0.
Valur er á toppi deildarinnar með 17 stig. Breiðablik, sem er í öðru sæti með 15 stig, á leik til góða á Val.
Keflavík er í sjöunda sæti. Þær hafa 9 stig.