Jose Mourinho þjálfari Roma hefur auglýst eftir því að Bruno Fernandes leikmaður Portúgals mæti til leiks á Evrópumótinu. Bruno sem var frábær með Manchester United hefur verið nánast ósýnilegur í fyrstu tveimur leikjum Portúgals.

Mourinho er harður í horn að taka þegar hann rýnir til gangs um samlanda sína en Portúgalar hafa titil að verja á EM.

„Portúgal er eitt af betri liðunum, þeir eiga að geta unnið alla,“ sagði Mourinho en Portúgal tapaði illa gegn Þýskalandi í síðasta leik, þarf liðið að ná í jafntefli hið minnsta gegn Frökkum í vikunni.

„Portúgal þarf ellefu leikmenn á vellinum sem leggja eitthvað á sig, í þessum tveimur leikjum hefur Bruno Fernandes verið á vellinum en hefur ekki spilað.“

„Ég vona að hann mæti til leiks gegn Frakklandi, hann er leikmaður með ótrúlega hæfileika. Hann getur sent boltann, hann getur skorað, tekið víti og skorað úr aukaspyrnum.“

„Hann getur gefið mikið af sér, í fyrstu tveimur leikjunum var hann hins vegar týndur.“

Enski boltinn á 433 er í boði