Hólmbert Aron Friðjónsson framherji Brescia á Ítalíu er að yfirgefa herbúðir félagsins. Þetta herma öruggar heimildir 433.is í gær.
Samkvæmt heimildum 433.is hefur Brescia samþykkt tilboð frá þýska félaginu Holstein Kiel í íslenska framherjann.
Holstein Kiel var hársbreidd frá því að komast upp í þýsku úrvalsdeildina á síðustu leiktíð, liðið missti af sæti í umspili um laust sæti. Liðið leikur því í næst efstu deild á komandi vetri og er líklegt til þess að fara upp.
Íslenski framherjinn gekk í raðir Brescia fyrir tæpu ári síðan en var þá meiddur, hann var talsvert lengi að jafna sig og fékk fá tækifæri í kjölfarið.
Hólmbert er 28 ára gamall en hann er að semja við fimmta félagið sitt í Þýskalandi, hann lék áður í Skotlandi, Danmörku, Noregi, Ítalíu og er nú á leið til Þýskalands.
Íslendingar hafa komið við sögu hjá Holstein Kiel áður en má þar nefna Eið Aron Sigurbjörnsson sem leikur í dag með ÍBV og Hákon Sverrisson fyrrum leikmann Breiðabliks.
