Rétt í þessu lauk leik Frakklands og Þýskalands á Evrópumótinu í knattspyrnu. Frakkar höfðu betur og sigruðu 1-0. Eina mark leiksins kom á 20. mínútu og var það sjálfsmark frá Hummels.
Undir lok fyrri hálfleiks átti sér stað nokkuð undarlegt atvik. Þá virtist Þjóðverjinn Antonio Rudiger bíta í Paul Pogba, miðjumann Frakka. Paul Pogba var mjög ósáttur við þetta og lét dómara leiksins vita af þessu. Carlos Del Cerro Grande, dómari leiksins, gerði ekkert í þessu. Myndbandið má sjá hér að neðan.
— Out Of Context Euros (@NoContextEPL) June 15, 2021
Þetta er ekki í fyrsta skipti sem fótboltamaður gerist sekur um að bíta andstæðing sinn en Suarez hefur gert það oftar en einu sinni og fengið langt bann fyrir vikið.