Leiknir tók á móti KR í 8. umferð Pepsi-Max deildar karla í kvöld. Leiknum lauk með öruggum 0-2 sigri KR.
KR byrjaði leikinn af krafti og kom Pálmi Rafn gestunum yfir strax í byrjun leiks eftir hornspyrnu. KR-ingar héldu yfirburðunum áfram næstu mínútur en Leiknismenn komust aðeins inn í leikinn þegar u.þ.b. hálftími var liðinn af leiknum með nokkrum góðum sóknum. Staðan var 0-1 í hálfleik.
KR-ingar mættu grimmir í seinni hálfleik og tvöfaldaði Kjartan Henry forystuna í byrjun seinni hálfleiks. Kristján Flóki átti þá skot og Kjartan potaði boltanum yfir línuna. Ekki komu fleiri mörk í leikinn og 0-2 sigur KR staðreynd.
KR fer upp í 3. sætið með sigrinum en Leiknir er áfram í 7. sæti deildarinnar.
Leiknir 0 – 2 KR
0-1 Pálmi Rafn Pálmason (´6)
0-2 Kjartan Henry Finnbogason (´50)