Declan Rice miðjumaður West Ham og enska landsliðsins ætlar að fá sér sinn fyrsta bjór á lífsleiðinni ef England vinnur Evrópumótið í sumar.
Rice smakkar áfengi en hefur aldrei fengið sér bjór, honum finnst lyktin af slíkum drykk ekki góð.
Englendingar gætu slegið í gegn í sumar en væntingarnar eru miklar, það gæti orðið þeim að falil eins og svo oft áður.
„Ég hef aldrei fengið mér bjór, ég er 22 ára gamall. Það er sannleikurinn, ég hef aldrei fengið mér bjór,“ sagði Rice.
„Ég drekk ekki mikið, en bjór? Nei. Mér finnst lyktin vond svo ég hef aldrei viljað fá mér.“
Hann lofar því að smakka bjór ef England vinnur EM. „Ég mun prófa það en ég mun líklega bara frussa honum út um leið.“