Það verða áfram aðeins 200 áhorfendur leyfðir á kappleikjum á Íslandi, engar tilslakanir verða gerðar á regluverkinu er varðar sóttvarnir vegna COVID-19.
Svandís Svavarsdóttir greindi frá þessu í dag en segir vona standa til um að hægt verði að fara í miklar afléttingar í næstu viku.
Fámennt var í stúkunni á fyrstu umferð efstu deildar karla og það verður áfram þegar önnur umferðin fer fram næstu helgi. Efsta deild kvenna fer af stað í dag og verða sömu takmarkanir þar.
Ljóst er að ákvörðun Svandísar þykir varfærin, sér í lagi í ljósi þess að aðeins 4 smit hafa greinst utan sóttkvíar undanfarna viku auk þess sem vel gengur að bólusetja. Fjórðungur Íslendinga hafa nú fengið að minnsta kosti eina sprautu af Covid-19 bóluefni. Áætlað er að 40 þúsund sprautur verða gefnar í vikunni hér á landi. Þar á meðal 6.500 Jansen skammtar, en þeir sem hana fá eru fullbólusettir við fyrsta skammt. „Glatt á hjalla,“ segir Svandís um velgengnina.
