Jadon Sancho, leikmaður Borussia Dortmund, er sagður bjartsýnni en aldrei fyrr um að komast til Manchester United í sumar. Eurosport greinir frá þessu.

Englendingurinn hefur verið orðaður við Man Utd reglulega síðan 2018. Hingað til hefur félagið þó ekki ná að uppfylla þau skilyrði sem Dortmund setur, bæði þegar kemur að verðmiða og lokadagsetningu sem þýska félagið gefur út svo það hafi tíma til að fylla skarð leikmannsins.

Nú er hins vegar talið að verðmiðinn á leikmanninum sé töluvert lægri en hann hefur áður verið. Því eru Sancho og hans fulltrúar bjartsýnir á það að leikmaðurinn komist til Manchester.

Sancho hefur verið frábær fyrir Dortmund undanfarið og skorað 10 mörk í síðustu 13 leikjum. Heilt yfir hefur hann skorað 16 mörk og lagt upp önnur 18 í 36 leikjum á tímabilinu. Dortmund er í hörkubaráttu í þýsku Bundesligunni um það að ná Meistaradeildarsæti.