Það er ekki oft sem knattspyrnumaður spilar með úr en Axel Tuanzebe varnarmaður Manchester United lék með úr gegn Leicester í ensku úrvalsdeildinni í gær.
Svart úrið vakti verulega athygli og héldu flestir að um væri að ræða Apple úr sem Tuanzebe hefði gleymt að taka af sér fyrir leikinn.
„Sé ég ofsjónir eða er Tuanzebe að spila með Apple úr,“ sagði einn sem var að horfa á leikinn.
Úrið sem Tuanzebe var með á sér heitir Onyx ProKnit en það er Whoop sem framleiðir það, um er að ræða úr sem fylgist með hjartslætti og öðrum hlutum sem íþróttamaður þarf að vita. Úrið mæli vegalengd sem hlaupið er og fleira í þeim dúr.