John W Henry eigandi Liverpool hefur fengið ansi misjöfn viðbrögð við afsökunarbeiðni sem hann hefur sent stuðningsmönnum félagsins. Öll ensk félög hættu í gær við þáttöku í Ofurdeildinni.
Liverpool og Manchester United fengu mesta gagnrýni fyrir að ætla að taka þátt í deildinni, sögufræg félög sem eiga marga stuðningsmenn.
„Ég vil biðja alla stuðningsmenn Liverpool afsökunar vegna þeirra vandræða sem ég skapaði síðustu 48 klukkustundirnar. Verkefnið sem sett var fram var aldrei að fara að verða að veruleika án stuðnings okkar stuðningsmanna, enginn okkar hugsaði öðruvísi,“ sagði Henry í myndbandi sem birt var á samfélagsmiðlum Liverpool.
„Þessar 48 klukkustundir voru ykkar skilaboð á hreinu, að þetta yrði ekki. Við heyrðum í ykkur, ég heyrði í ykkur.“
Henry biður Jurgen Klopp og leikmenn Liverpool afsökunar á því að hafa truflað liðið með þessum hætti en leikmenn Liverpool og annara liða, höfðu engan áhuga á Ofurdeildinni.
„Ég vil biðja Jurgen afsökunar, leikmennina og alla þá sem vinna hjá Liverpool. Þeir aðilar báru enga ábyrgð á þessu, þeir fundu mest fyrir truflun. Þeir elska félagið og vilja gera ykkur stolt alla daga.“
„Fyrir áratug þegar við keyptum Liverpool, þá voru draumar okkar þeir sömu og ykkar. Okkar vinna er ekki á enda, þegar við gerum mistök erum við að reyna að gera okkar besta. Hérna gerði ég mistök, ég ber ábyrgð á þessar neikvæðni sem komið hefur fram. Þetta sannar þau áhrif sem stuðningsmenn hafa og munu hafa.“
Fjöldi stuðningsmanna Liverpool hefur svarað færslum á samfélagsmiðlum og krefjast þess að Henry og FSG félagið hans selji Liverpool.
John W Henry’s message to Liverpool supporters. pic.twitter.com/pHW3RbOcKu
— Liverpool FC (@LFC) April 21, 2021