PSG tók í dag á móti Saint Etienne í 33. umferð frönsku úrvalsdeildarinnar. PSG stal sigrinum á síðustu mínútu uppbótartíma með marki frá Icardi. PSG tryggja sér því stigin þrjú og halda sér í baráttu um titilinn. PSG situr í 2. sæti deildarinnar, einu stigi á eftir Lille í fyrsta sætinu.
Fyrri hálfleikur var markalaus en það reyndist PSG erfitt að komast í gegnum vörn Saint Etienne. Bouanga braut ísinn á 77. mínútu þegar hann kom gestunum yfir og þá opnuðust flóðgáttir. Mbappé skoraði þá tvö mörk á stuttum tíma og kom PSG yfir. Í uppbótartíma jafnaði Hamouma metin en það reyndist ekki vera síðasta markið í leiknum. Icardi kom heimamönnum í PSG aftur yfir seinna í uppbótartímanum og tryggði PSG ótrúlegan sigur.
PSG 3 – 2 Saint Etienne
0-1 Denis Bouanga (´77)
1-1 Mbappé (´79)
2-1 Mbappé (´87)
2-2 Hamouma (´90+2)
3-2 Icardi (90+5)
