Marouane Fellaini, fyrrum leikmaður Everton og Manchester United gæti snúið aftur í ensku úrvalsdeildina ef marka má heimildir Voetbal 24.
Talið er að Jose Mourinho, knattspyrnustjóri Tottenham, vilji fá Fellaini til liðs við félagið en hann er nú leikmaður Shandong Luneng í Kína.
Fellaini er 33 ára gamall en hann yfirgaf herbúðir Manchester United árið 2019. Talið er að Shandong Luneng og Fellaini séu að komast að samkomulagi um að binda enda á samning leikmannsins í sumar og hann gæti því farið frá félaginu á frjálsri sölu.
Mourinho er hins vegar undir mikilli pressu, Tottenham hefur ekki staðið undir væntingum á tímabilinu og það skiptir lykilmáli upp á framhaldið hjá Mourinho að gera að Tottenham nái Evrópusæti.
