Timo Werner, framherji Chelsea, hefur ekki staðið undir væntingum eftir að hafa gengið til liðs við Chelsea frá þýska liðinu RB Leipzig fyrir tímabilið.

Werner viðurkennir sjálfur að hafa ekki verið upp á sitt besta en heitir því að knattspyrnuáhugamenn eigi eftir að sjá hann upp á sitt besta í framtíðinni.

Framherjinn knái er þekktur fyrir markaskorun og gekk til liðs við Chelsea á rúmlega 53 milljónir punda. Markaskórnir brugðust honum þó en hann fór í gegnum 14 úrvalsdeildarleiki án þess að skora, frá nóvember- til febrúarmánaðar.

„Þetta var erfitt fyrir mig því ég vill hjálpa liðinu. Ég vil skora, það er í mínu eðli, ég er framherji,“ sagði Timo Werner í viðtali hjá Football Focus.

Werner mun án efa gera tilraun til þess að komast á blað gegn Liverpool þegar liðin mætast í ensku úrvalsdeildinni í kvöld. Hann hefur aðeins skorað 5 mörk í 25 leikjum með Chelsea á tímabilinu.

„Þetta hefur ekki gerst áður á mínum ferli. Maður getur alltaf lært af slæmu tímabilinum. Ég lærði að treysta á sjálfan mig, gefa allt sem ég á innan vallar og að hugsa ekki eingöngu um að skora, heldur hjálpa liðinu,“ sagði Timo Werner, framherji Chelsea.