Millwall tók á móti Preston North End í ensku B-deildinni í kvöld. Leikurinn endaði með 2-1 sigri Millwall en leikið var á heimavelli liðsins, The Den.
Jón Daði Böðvarsson, var í byrjunarliði Millwall og spilaði 86 mínútur í kvöld.
Ched Evans kom Preston yfir í leiknum með marki á 12. mínútu.
Scott Malone, jafnaði metin fyrir Millwall með marki á 39. mínútu eftir stoðsendingu frá Mahlon Romeo.
Það var síðan Mason Bennett sem fullkomnaði endurkomu Millwall með marki á 87. mínútu og tryggði liðinu 2-1 sigur.
Milwall er eftir leikinn í 10. sæti deildarinnar með 46 stig eftir 34 leiki. Preston situr í 13. sæti með 43 stig.
Millwall 2 – 1 Preston North End
0-1 Ched Evans (’12)
1-1 Scott Malone (’39)
2-1 Mason Bennett (’87)
