Samkvæmt Mirror mun Ralf Rangnick, bráðabirgðastjóri Manchester United, fá 100 milljónir punda til að eyða í leikmannakaup í janúarglugganum.
Blaðið tók saman fimm leikmenn sem Þjóðverjinn gæti fengið til sín.
Amadou Haidara
Hefur verið frábær á miðjunni í Bundesligunni, stöðu sem Man Utd þarf að styrkja. Man Utd hefur ekki tekist að fá Declan Rice eða Eduardo Camavinga til félagsins og gæti Haidara þá verið kostur.
Erling Braut Haaland
Norski framherjinn gæti verið á blaði hjá Man Utd þó svo að það verði að teljast líklegt að hann fari ekki fyrr en næsta sumar sökum klásúlu í samningi hans hja Dortmund. Haaland getur farið á um 63 milljónir punda frá Dortmund næsta sumar.
Man Utd hefur lengi haft augastað á Haaland en vonast til að koma Rangnick hjálpi þeim við að fá hann.
Christopher Nkunku
Vængmaðurinn hefur verið frábær með RB Leipzig eftir að hafa komið þaðan frá Paris Saint-Germain. Hann hefur vakið áhuga stórliða í Evrópu en sambönd Rangnick við sitt fyrrum félag, Leipzig, gætu hjálpað.
Timo Werner
Sögusagnir eru um að Rangnick vilji vinna aftur með þessum framherja Chelsea eftir tíma þeirra saman hjá Leipzig.
Werner var frábær í Þýskalandi en hefur ekki fundið sitt besta form með Chelsea. Rangnick gæti boðið honum leið út.
Konrad Laimer
Miðjumaðurinn og Rangnick unnu vel saman hjá Leipzig og vegna vandræða Man Utd á miðjunni gæti þýski stjórinn notað krafta hins 24 ára gamla Laimer.
Enski boltinn á 433 er í boði 
