Guðný Árnadóttir lék allan leikinn með AC Milan í nokkuð óvæntum 0-3 ósigri gegn nágrönnunum í Inter í Serie A í dag.
Kathellen, Ajara Nchout og Ghoutia Karchouni skoruðu öll mörkin í dag í fyrri hálfleik.
Anna Björk Kristjánsdóttir er á mála hjá Inter en á enn eftir að leika fyrir félagið.
Milan er í fjórða sæti deildarinnar með 22 stig eftir tíu leiki. Inter er með stigi minna í sætinu fyrir neðan.
Albert allan tímann á bekknum
Albert Guðmudsson sat á varamannabekk AZ Alkmaar í 3-1 sigri gegn Sparta Rotterdam í hollensku úrvalsdeildinni.
Jesper Karlsson var öflugur fyrir AZ í dag. Hann skoraði fyrstu tvö mörk AZ og lagði upp það þriðja fyrir Vangelis Pavlidis. Adil Auassar skoraði fyrir Sparta í dag.
AZ er í áttunda sæti deildarinnar með 23 stig eftir fimmtán leiki.
Albert var í byrjunarliði í síðasta leik AZ en á bekknum í tveimur leikjum þar á undan. Samningur hans við félagið rennur út eftir leiktíðina.
