Ítölsk yfirvöld rannsaka nú stórlið Juventus og félagsskipti sem áttu sér stað frá 2019 til 2021 en þar á meðal eru félagsskipti Ronaldo frá liðinu til Manchester United. Félagið er sakað um að falsa bókhald í félagsskiptunum.
Gerð var leit á skrifstofum félagsins fyrir viku síðan þar sem leitað var að pappírum sem geta staðfest þetta.
Gazzetta dello Sport fullyrðir að yfirvöld á Ítalíu séu með upptöku af símtali þar sem stjórnarmenn Juventus ræða hluti í tengslum við félagsskipti Ronaldo sem eru ólöglegir. Þetta á að hafa komið yfirvöldum á sporið.
Félagið sendi frá sér yfirlýsingu á dögunum en þar segið að félagið sé í samvinnu við ítölsk yfirvöld við rannsóknina en félagið ítrekar að hafa ekkert gert rangt.