Íþróttavikan hefur göngu sína á Hringbraut í kvöld klukkan 21:00. Um er að ræða íþróttaþátt þar sem fréttir vikunnar eru skoðaðar og helgin í öllum íþróttum verður til umræðu.
Benedikt Bóas Hinriksson blaðamaður á Fréttablaðinu stýrir þættinum sem verður alla föstudaga í vetur.
Fyrsti gestur þáttarins verður Guðmundur Benediktsson sem er öllum hnútum kunnugur þegar kemur að íþróttum.
Rætt verður við Kristján Einar Kristjánsson um Formúlu 1 en gríðarleg spenna er fyrir tveimur lokamótum í þessari vinsælu íþrótt.
Ekki gleyma að stilla inn klukkan 21:00 en þátturinn verður frumsýndur á sama tíma á vef Fréttablaðsins og DV.