Jakob Bjarnar Grétarsson stjörnublaðamaður á Vísir.is efast um að Vanda Sigurgeirsdóttir formaður KSÍ geti sinnt starfi sínu ef hún getur ekki svarað fjölmiðlum þegar erfið mál koma upp.
Vanda vildi ekki ræða málefni Eiðs Smára Guðjohnsen sem lét af störfum sem aðstoðarþjálfari í lok nóvember. Vanda hafði ekki rætt málið opinberlega fyrr en í vikunni þegar hún mætti í viðtal á Rás2.
Ég ætla vera hreinskilinn, ég var buguð eftir þetta. Mér fannst þetta leiðinlegt og var sorgmædd í hjartanu að við hefðum þurft að komast að þessari sameiginlegu niðurstöðu. Ég hefði bara farið að gráta, ég var bara þar,“ segir Vanda í viðtalinu við Rás2.
Jakob Bjarnar gerði þetta að umtalsefni sínu á Bylgjunni í gær. „Mér sýnist birnan ekki ætla að batna mikið. Loksins skreið hún út úr fylgsni sínu, hún Vanda Sigurgeirs var í Morgunútvarpi Rásar 2 þar sem hún sagði einfaldlega ekki hafa treyst sér. Víkur þá sögunni að þessari þjóðhetju okkar miklu, Eiður Smári Guðjohnsen, KSÍ hefur ekkert viljað útskýra það hvers vegna þessum samningi við rift. Þetta er ekki einkamál KSÍ, þetta er landsliðið. Hún upplýsti þar að hún hefði ekki treyst sér til þess að tjá sig um þetta því hún hefði bara farið að gráta,“ sagði Jakob á Bylgjunni.
„Snúum aðeins upp á þetta, af hverju er það orðin einhver skömm? Þó hún hefði fellt tár, af hverju er það einhver skömm? Af hverju leggur hún það upp?“
Jakob fór svo að ræða ársþing KSÍ í febrúar þar sem Vanda stefnir á endurkjör. „Hún ætlar að bjóða sig fram í febrúar á næsta ári þegar kosinn verður nýr formaður. Hún sagði það jafnframt í þessu viðtali að fjölmiðlar væru miklu miklu erfiðari en hún hefði getað ímyndað sér. Treystir hún sér þá í þetta? Hvað er málið?,“ sagði Jakob.
„Bæði KSÍ og aðrir sem gegna störfum sem eru að einhverju leyti opinber ber bara að svara fjölmiðlum. Með eðlilegum fyrirvörum.“