Barcelona vann mikilvægan útisigur gegn Villarreal í spænsku La Liga í kvöld.
Markalaust var eftir fyrri hálfleik en snemma í þeim seinni kom Frenkie de Jong Börsungum yfir.
Samuel Chukwueze jafnaði fyrir Villarreal þegar tæpur stundarfjórðungur lifði leiks.
Á 88. mínútu skoraði Memphis Depay svo og kom gestunum aftur yfir.
Philippe Coutinho innsiglaði 1-3 sigur Barcelona með marki úr vítaspyrnu í uppbótartíma.
Barcelona er í sjöunda sæti deildarinnar með 23 stig, 3 stigum frá Meistaradeildarsæti.
Villarreal er í vandræðum. Liðið er með 16 stig í tólfta sæti.
