Ari Leifsson var í byrjunarliði Stromsgodset í slæmu 4-1 tapi gegn Lilleström í norsku úrvalsdeildinni í dag.

Hann var tekinn af velli eftir tæpar 70 mínútur. Valdimar Þór Ingimundarson sat allan leikinn á varamannabekk Stromsgodset.

Stromsgodset er í tíunda sæti deildarinnar með 34 stig þegar tveir leikir eru eftir.

Fyrr í dag lék Davíð Kristján Ólafsson allan leikinn fyrir Álasund í 1-0 tapi gegn Stjordals Blink í norsku B-deildinni. Um leik í lokaumferðinni var að ræða.

Davíð Kristján og félagar eru komnir upp í efstu deild.