Leikmenn franska liðsins Paris Saint-Germain telja að nýr knattspyrnustjóri muni taka við liðinu á næstunni. Þetta herma heimildir Marca.
Mauricio Pochettino, núverandi knattspyrnustjóri liðsins, hefur verið orðaður við knattspyrnustjórastöðuna hjá Manchester United eftir að Ole Gunnar Solskjær var rekinn úr starfi.
Pochettino ku hafa mikinn áhuga á því að taka við stjórnartaumunum í Manchester og talið er að skipting gætu gengið í gegn fyrr en áætlað er. Í yfirlýsingu frá Manchester United eftir að Solskjær fékk sparkið kom fram að félagið hyggist ráða bráðabirgðastjóra út yfirstandandi tímabil og að framtíðar knattspyrnustjóri taki síðan við liðinu fyrir næsta tímabil.
Hlutirnir breytast hins vegar hratt í heimi knattspyrnunnar og nú kann það að fara svo að Zinedine Zidane verði ráðinn sem knattspyrnustjóri Paris Saint-Germain og að Pochettino fari þá yfir til Manchester United.
Stjörnuleikmenn Paris Saint Germain telja það liggja í loftinu að breyting verði á knattspyrnustjórastöðu félagsins á næstunni samkvæmt heimildum Marca.